Kryetari i Partisë së Lirisë, Ilir Meta e ka cilësuar akt terrorist sulmin e IKMT në Prestige Resort në mes të sezonit turistik.
Meta u shpreh se ky është sulm ndaj medias dhe sipërmarrjes së lirë dhe përkeqëson akoma më shumë imazhin e vendit tonë në arenën ndërkombëtare.
“Ky është një akt terrorist. Tregues i tmerrit që Edi Rama ka nga mediat. Është një hakmarrje e qartë për vijën editoriale ndaj këtyre mediave.
Është një tjetër rekord i dhunës që vetëm do përkeqësojë imazhin e vendit. Është edhe një rritje për të gjithë qytetarët që të shporrim sa më parë një regjim banditesk që dhunon pronën dhe bën shantazh ndaj pronës në kulmin e sezonit turistik.
Tregon shumë qartë se liria e sipërmarrjes është shumë e kërcënuar dhe të gjithë duhet të bashkohemi për të fituar lirinë dhe garancitë kushtetuese e që mbrojnë atë në çdo aspekt”, tha Meta
